zukkihund

Hey.

Sones LED-Ding brüchti. (AI)

Idee für es revolutionärs Videospiel gha: Mänsche biissed Zombies, d'Zombies verwandled sich zrugg i Mänsche und gönd wieder go schaffe.

Titel-Idee:
– The first of Us (im Büro)
– The Walking Alive (in Starbucks)
– Resident Nett (im Call)

Bitte nomal e weltwiiti Pandemie, aber statt dass mer nüme schmöcke chan, chamer permanent nüme hasse (Long Love it) und isch so mega empathisch und natürli stirbt das Mal au niemer dra. Merci.

Du wottsch wüsse, wie sich die stärcheri Schwerchraft ufeme grössere Planet afühlt? Wart eifach, bis ca. 45gi bisch. Jetzt läbsch gfühlt ufm Saturn.

Dä Ziitdruck, wo "essreif" kaufti Avocados mit sich bringed isch bitz zvill für mich.

Basel-Land, Basel-Stadt, Kleinbasel… Ja, was chunt als nöchschts? Minibasel? Nanobasel? Planck-Basel?

Und wie gahts gäg obe wiiter? Baselonien? (Kontinent). Planet Basel? (Bitte nöd). Oder grad d’Galaxie Basomeda? Ja dä kompletti Bosmos?!

Swissmilk-Rezept für Pommes-Frites:

Zutaten:
800 g Mascarpone
400 g Sbrinz
2.4 l Milch
600 g Mascarpone (für die Füllung)
9.3 l Milch
Ein Laib Gruyère
Etwas Milch
Milch lauwarm
Milch

Wenn mer scharfi Gegeständ nöd dörf is Flugzüg näh, wieso sind Bürli erlaubt? Mit de scharfkantige Rinde chöntsch chiriurgischi OP's durefüehre.

*von meinem blutenden Mundwinkel gesendet

#Bürliterrorismus

Firme nach jedem Kontakt hützutags per Mail: «Ihre Meinung ist uns sehr wichtig!»

Ich, 400 Siite Meinigs-Essay:

«..Ja zerscht mal isch völlig klar, dass dä Kapitalismus 1:1 mitem Faschismus...»
«...Hey, wenn Carbonara mit Rahm wottsch mache, feel free...»
«...und so händ jungi Mänsche natürlich null Areiz, Chinder z'mache...»
«...Game of Thrones letschti Season hani jetzt gar nöd soooo schlimm...»
«...Peach Wäber isch halt anderi Generation, das muesch fascht historisch läse...»

Niemer hät gseit, bis wenn du sone Geburtstafle dörfsch vor dis Huus stelle. Freier Wille. (AI)

Wemmer d'Energie irgendwie azapfe chönted, mit däre Chliichind vo Möbelkante und andere Gfahre magisch azoge werded...

Mir chönted so Tollpatschreaktore baue, wo im Grund gno ungsichereti Indoorspielplätz sind aber es passiert de Chliichind ja nüt, will d'Aziehigschraft ad Gfahr vorzue abzwackt wird.

Win-win. Öppe 30 Goofe chönd de ganz Tag umeseckle und dä Planet hät gratis Heizig/Klima.

Choschtepunkt: rund 6 Öpfelsäftli und 1.5kg Pommfrit pro Chind und Tag.

Name: 3-Königs-Kuchen
Total Könige: 1

Brockis & Antiquitäte-Läde sind immer so eng, dunkel, staubig und muffig.

Han drum Business-Idee gha: Was wenns es moderns, grosses Brocki gäb, mit Rolltreppe, breite Gäng mit Sitzglegeheite und mit grosse Regal und viel agnehmem Liecht und alles uf mehreri Stöck verteilt. Vilicht sogar es gmüetlichs Kafi obe drin.

Und de Clou: alli Produkt sind fabrikneu!

Ich nänns: Brocki Tivoli.

Wenn dich en Pfarrer nöd id Chile laht z.B. oder e Nonne dir im Wäg staht, denn bisch geistlich behinderet lol.

Eltere-Tipp: Mer chan Usmalbilder scho usgmalt usdrucke, denn müends d'Chinder gar nüme usmale.

Wer hät eigentlich entschiede, dass s'iPhone-Volume au s'Wecker-Volume isch?

Von meiner Verspätung gesendet.

Sky Algo on point. 😂

Simmer froh, händ nöd Bärner Astronome d’Planete tauft. Märku, Venä, Mäsu, Sätu, Jüppu, Ürä, Näppu, Plütu.

@Kalle27@sueden.social Jupiter